1. U Blog It.
2. Makabagong Noypi.
3. Mga Matang Nagmamasid sa Hibang na Kulturang Pilipino. (intimidating..hehe)
4. Halu-halong Web log: Panitikang Pilipino sa Ikabubuti ng Sambayanang Pilipino.
posted by A Ch at
6:46 PM
Maraming salamat, salamat Rico Yan,
Sinagkaan, pinatigil ang takbo ng orasan.
Araw-araw ng ika'y yumao,
Busog na busog kami sa telebisyo't dyaryo.
Nalimutan namin sa BASECO and malaking sunog,
Nawalan ng mga tahanan mga taga-Tundong magdarahop.
Wala kaming pakialam sa kaso ng Pangulong Erap,
Kahit ang pagtugis sa bandidong Abu Sayyaf.
Kahit ang mga namatay na manggagawa sa Dubai,
Lahat silang nasawi'y parang hanging nagdaan.
Maraming salamat, salamat sa iyo Rico,
'Di namin napansin, pagpanaw ni Maestro Lucio at Levi Celerio.
Limot namin na tataas ang presyo ng gasolina,
At kahit ang kuryente'y wala kaming pangamba.
Naghihiyawan kami sa bangkay mong dumaraan,
Dala-dalang pagdurusa'y aming nakalimutan.
Ang ibang lider at pulitiko 'pag namamatay,
Maraming nagsasamantalang kunwaring pakikiramay.
Dahil sa iyong pagpanaw, gamot itong nakalunas
Sa sinasabi nila na pambansang sugat.
Sana kung may yayao na tulad mo Rico Yan,
Ay tatabing sa aming problema araw-araw.
Maraming salamat, salamat sa iyo, Rico,
'Di namin naramdaman ang pag-inog ng mundo.
—Teo Antonio
0 Comments:
Post a Comment
<< Home