ako ay Pilipino. ipinanganak ako sa Pilipinas. mga magulang ko ay mga Pilipino. mga magulang ng
magulang ko ay mga Pilipino. ipinagmamalaki ko na ako'y Pilipino.
pero, Pilipino nga ba talaga ako?
e bakit hindi ako marunong mag-Filipino?
akala ko kasi may malalalim na salitang Tagalog. hindi lang pala talaga ako marunong
mag-Filipino...
tsk tsk
posted by lei at
7:52 PM
Maraming salamat, salamat Rico Yan,
Sinagkaan, pinatigil ang takbo ng orasan.
Araw-araw ng ika'y yumao,
Busog na busog kami sa telebisyo't dyaryo.
Nalimutan namin sa BASECO and malaking sunog,
Nawalan ng mga tahanan mga taga-Tundong magdarahop.
Wala kaming pakialam sa kaso ng Pangulong Erap,
Kahit ang pagtugis sa bandidong Abu Sayyaf.
Kahit ang mga namatay na manggagawa sa Dubai,
Lahat silang nasawi'y parang hanging nagdaan.
Maraming salamat, salamat sa iyo Rico,
'Di namin napansin, pagpanaw ni Maestro Lucio at Levi Celerio.
Limot namin na tataas ang presyo ng gasolina,
At kahit ang kuryente'y wala kaming pangamba.
Naghihiyawan kami sa bangkay mong dumaraan,
Dala-dalang pagdurusa'y aming nakalimutan.
Ang ibang lider at pulitiko 'pag namamatay,
Maraming nagsasamantalang kunwaring pakikiramay.
Dahil sa iyong pagpanaw, gamot itong nakalunas
Sa sinasabi nila na pambansang sugat.
Sana kung may yayao na tulad mo Rico Yan,
Ay tatabing sa aming problema araw-araw.
Maraming salamat, salamat sa iyo, Rico,
'Di namin naramdaman ang pag-inog ng mundo.
—Teo Antonio
0 Comments:
Post a Comment
<< Home